تعليم وممارسة
مساء الخير يَ دنيا ✋💙 مرحبا اني زينب طالبة مرحلة رابعة كلية زراعة أحب اتعلم اكثر بمجال تخصصي واتطور بي واحصل وظيفة مناسبة من خلال احد الشركات لكن كل الشركات الي شفتهم كانوا يطلبون لغة انكليزي واني مو كلش تمام ب اللغة ف حبيت اطور نفسي اكثر قبل سنة قررت انوو لازم اتعلم بس كل ما اتعلم شويه واتركها وما استمر استخدمت تطبيق z American English وما استمريت قبل مدة قريت اكو شي اسمه30×30 والي هو تتعلم اي شي تريده كل يوم 30 دقيقة خلال 30 يوم وراح تنمي عندك عادة انوو تمارس هذا الشي كل عمرك ويبقه وياك وتتعلم اله ويصير من ضمن يومك ف قررت اسووي وشاهدت تحدي على الانترنت اسمه تحدي ال 29 يوم ف بسرعه بسرعة قررت أشارك بي وهذا اني اليوم راح ابدي أشارك واتعلم خلال 29 يوم حتى اخلص التحدي واوصل لمستوى جيد وايضاً حتى تتنمى عادة التعلم عندي وابقه امارسها راح استخدم بهذا التحدي برنامج Duolingo وبرنامج طليق وكل الكلمات الي راح اخذهن راح اكتبهن واحفظهن وامارسهن مع نفسي وراح اشاهد كل يوم فلم حتى يصير الاستماع عندي احسن واحاول استمع الى الاغاني من يكون عندي عمل ثاني مثل تنظيف او المشي. إن شاء الله استمر بالتحدي