يوم ال 20
صباح الخير يَ دنيا ✋ 💙
شلونكممم رجعت من جديد بعد ١٠ايام ب تحدي الاستمرار ب اللغه الانكليزية ف دا اريد أشارك وياكم الي صار هو مصار هوايه اشياء اصلاً بس عادي لازم نشارك النجاح والفشل اني مااكول فشلت لان الفكرة اهم شي بعدني مستمره مو اهم شي الكمية
المهم بهاي ال 10 ايام ملحكت انجز هوايه امور لان كان عليه ضغط تجهيزات للتخرج وفاينل بعد أسبوع ف لود حاولت استمر بالتحدي نفس التطبيقات استخدمت بس مكان الجهد نفسه كان أقل ف غيرت الخطه حتى تناسب جدولي صرت اباع فديو بس ب اليوم ع تطبيق وتابعت مسلسل حتى ابقه استمع أنكليزي طبعا تابعت مسلسل آن عظيمة هل مسلسل تابعوها عود ف صرت اباع كل يوم المسلسل تابعت افلام تقريبا 5 أفلام وهذا انجاز بالنسبه الي لان مااباع اني ابد 😂💔
شعوري طبعا حسيت بالاحباط انوو اني مدا انجز اشياء هواي مثل بدايه التحدي بس صفنت كلت هي الفكرة انوو استمر مو حتى اتعلم كل الانكليزي بهل شهر ف يعني هسه شعوري احسن. حسيت الانكليزي شي ممتع مو ممل مثل دراستنه
مااعرف اذا راح اغير بالخطه او لا لان حسب جدولي وحسب وضعي اغير بسرعه ف مااعرف بعد 10 ايام الجايه شنو ممكن حسوي خطط اهم شي حبيت اشاركم هل شي
إن شاء الله ابقه مستمره واتعلم ولو اشياء قليله بس يبقه هدفي الاستمرار والتعلم
أشوفكم بخير 💙
تعليقات
إرسال تعليق