لكل نهاية بداية جديدة 💙
مساء الخير يَ دنيا ✋ 💙
شلونكم اني زينب قبل 29 يوم جنت اريد اتعلم انكليزي ف شاركت بتحدي ال 29يوم والي يكول انوو تتدرب على شي تريده خلال هل مدة فَ اني فكرت انوو من خلال هل تحدي اسوي تحديين بنفس الوقت والي هو اتعلم بهل شهر وبنفس الوقت انمي عادة التعلم حتى ابقه استمر بعد التحدي واتعلم، بديت وبديت كنت اتمرض يوم يوم امتحان بس ما وقفت لحد ما دا اشوف انوو هو شي مو صعب ولا سهل كلش حبيت انوو شلون دا اتعلم كلمات جديدة واروح اخبص زوجي انوو باع عرفت كلمة عندي هل شي واو وره فتره صار اجتماع حتى نحجي كلنه ب الانكليزي اني جنت متوتره لان جمعت هواي كلمات بس بنفس الوقت مدا اكدر كلش اعرف احجي كلش حبيت البنات الي ويايه خلوني احجي واغلط واعيد بدون خجل وبدون ما يقللون من قيمتك كلش شكرًا الهم
أثناء الاجتماع الي كانوا يعلمونه كلش حبيتها اسمها رسلان ف كلتلي good job أستمري واتعلمي أكثر، تصدكون بقت براسي هل كلمة صرت اريد اتعلم اكثر مااعرف ليش حفزتني الكلمة او حفزني تشجيعهم النه حسيت نفسي محظوظه انوو دخلت هذا الميت وهذا التحدي صرت هوايه اعرف كلمات صرت اعرف شلون اتعلم ماابقه بهوسه وبدون ترتيب.
الاستمرار الاستمرار يخليك تتعلم صح تشوف انوو هو الانكليزي قابل بشهر اتعلمه وتتكاسل وتعوفه بس لا انتَ لمن تفوت بي حتشوف انو هي الكلمات تصير تجذبك وتتعلمها تصير تعرف ترتب كلام وكلمه متعرفها تخلي غيرها وتكمل فقط ب الاستمرار حيصير كلشي بيرفكت نسبة قبل جنت 1 من 5 هسه اشوف نفسي 2 من 5 يمكن تشوفو شي بسيط بس اني اشوفه كلش عظيم وفرحانه بهذا التقدم الي حققته
واني اكيد ح استمر هسه توقفت لان عندي فاينل وره الفاينل حرجع ومااعوف الانكليزي اله اضبطه ❤️شكرًا لكل شخص ساهم وحفزنه خلال هذا التحدي
سلام .. يمكن سؤالي غريب بس هل جنتي من قبل تدرسين بثانوية نازك الملائكة؟ اسمج يشبه اسم بنية صديقتي وحتى الصورة تشبه فبس اريد اتأكد واعتذر إذا بي أي ازعاج ..
ردحذف